close
Cayin今次係第一次帶埋仔仔樂豬一齊去旅行，
去四日三夜既曼谷玩，佢超開心！
另外, 我仲拍左YouTube片. 大家可以看看喔.
::::::::Day1::::::::
第一日落機，
就搭的士返酒店放底行李，
我們入住的酒店係Radisson blu plaza.
酒店好大好靚好舒服，
樂豬也即時訓上床，哈哈！
然後第一件事就係去唱錢，唱泰銖！
去泰國前，我已係香港唱定啲泰銖，俾自己搭車用！
來到再唱，兌換率會好啲！
由於酒店係位於BTS既Asko站.
也是十分方便的，
唱錢都係Asko站唱！
認住橙色店，叫Superrich，
佢兌換率也頗高的！1元港幣可換4.13元泰銖！
而且啲到也有好受歡迎既商場Terminal 21，
所以我們先到這裏行下！
其實Terminal 21的構思和設計都有點像曼谷國際機場，
所以就起名叫Terminal 21.
位置非常優越，其次就係佢與其他商場不同，
這裡有大量本地產品的小鋪，
有些產品仲係來自jj market！
我都買左幾件T-shirt，質地好，平靚正！
商場每層都有不同的主題，
分別有：東京，加勒比海，羅馬，巴黎，倫敦，伊斯坦堡及舊金山
lunch我們食拉麵，睇價錢已經覺得抵，
計下都係二十幾元港幣左右，
啲炸雞仲好香，樂豬都好鐘意食！
而在這個商場內更有一個香港人很熟識的let’s relax spa ，
這間let’s relax spa是同名spa中最大的一間分店，
就係6樓既戲院旁，
我知道佢地成日都好繁忙，所以我經過就book定先，
book定第三日來做個按摩！
其實本身我係好想book商場上面既Grande Centre Point酒店，
因為會仲方便，哈哈！
不過可惜我想book既時候已經full哂喇！冇辦法啦！
Terminal 21地扯：Asok BTS station and Sukhumvit MRT Station
開放時間：10:00am - 10:00pm
下午大約六點左右，我們就搭MRT至Lat Phrao站，
並出4號出口，出站後Lat Phrao Rd. 即可攔計程車，
去啲個超人氣既Chocolate Ville(朱古力鎮)，
點解我要叫佢朱古力鎮？
因為地方真係好大好大好大！
而且超靚！
我係咁拍照，真係靚到想大叫！
好有趣地朱古力鎮賣既並唔係朱古力，
而是一間超大的歐洲鄉村風格戶外餐廳，
入面有各式既歐式建築、燈塔、英式玻璃屋、運河…等等！
就咁望已經覺得好正！
隨手拍照都拍到靚照片的！
係咁既環境下食嘢！心情也好好呢！
唔好諗住得個樣，啲嘢食就麻麻地，
其實嘢食不錯，由其個pizza，我一次過食左五塊咁多！
開放時間：4:00pm - 12:00pm
Chocolate Ville地址：Kaset-Nawamin KM11, Bangkok, Thailand 10230
::::::::Day 2 ::::::::
第二日行程就係係酒店食完早餐就出發lu.
酒店既早餐環境好美，
而且包羅萬有，細心到連點心也有，
我仔樂豬仲好喜歡飲棷皇！
食飽飯就開始搭MRT去Thailand Cuitural Centre站，
然後就會看到Esplanade購物商場，
我們去啲個Art In Paradise 3D立體美術館就係商場內，
入面有幻覺藝術，透過精細的畫法及光影的折射呈現出3D立體的視覺感！
讓參觀者不但能用眼睛看，
還可以與每幅作品拍照，好有趣！
我最鐘意就係樂豬啲張滑浪相，超投入！
拍出來的照片都好逼真！哈哈…
不過啲到係需要除鞋玩，
所以大家可能要打赤腳或者著襪入場參觀！
3D畫館旁仲會有他們自己的Coffee shop，
如果玩到餓，仲可以坐底食下嘢！
開放時間：10:00am - 10:00pm
Lunch，我們就返去Terminal 21既food court食，
又平又好食既芒果羅米飯，
睇下我同樂豬兩個食得幾happy.
另外叫多三杯棷汁冰兩碗麵都係二百多泰銖！
即係四十幾元港幣咋！超抵食！
然後返酒店抖下回下氣！
打約五點左右我們就搭BTS到Saphan Taksin再搭免費接駁交通船，
啲到係好多遊客必去既地方，
有摩天輪玩！
我其實好怕坐摩天輪架，怕高，
相反樂樂就一啲都唔驚！好攪笑！
另外仲有好多店舖賣東西，全部都係貨倉式設計！
*一號倉賣家品為主，香港人很喜歡的蝴蝶袋這裡也有分店！
*二號倉有各款貨品也有小餐廳、銀行及夜市自家的紀念品店，
可以買一些泰國特色手信！
*三號倉有小店鋪之餘和Calypso theater的人妖歌舞團會在這裡演出.
*四號倉有小店鋪外是Joe Louis Theater，
木偶戲表演團，以前曾在其他夜市表演過，
Theater本身更有餐廳，人客可以選擇在這裡用餐！
*五號倉是Asiatique的Fashion專區.
*六號倉是類似香港的大笪地食街，
有海南雞飯、燕窩店、中式泰式日式餐廳等.
*七號倉也是以Fashion時裝為主.
*八號倉多個泰國本地設計品牌進駐，
也許他們的作品曾在大商場裡面出現過，
但完完整整的一間店，只有這裡才有.
*九號倉繼續是時尚服裝及本地設計產品.
*十號倉是時尚區，有少許像RCA，
是一些較為高級的餐廳、酒吧，夜夜狂歡.
由於地方太大，冇記錯既話，我都只係行左第七同第一咋！
都幾多得意東東買！
晚飯我們就去左啲間正中日本料理到食飯，
順便我也要推介啲間日本料理店，
記住係(上層)，個境好靚，
係就係熱啲，因為露天，
但啲嘢食真係好ok，仲有侍應姐姐勁好笑容！
Asiatique開放時間：5:00pm - midnight
::::::::Day 3::::::::
第三天，我決定要抖抖啦！
因為我已經病左，所以決定休息下，
我就去左let's relax spa到做泰式按摩，
我就揀左120分鐘泰式按摩加草球，
都係1100泰銖，頗舒服的，
不過可能我已經有啲作病，所以成日覺得好凍，
又唔係好受到力，但服務很好，按摩師係好細心的！
然後我們就去lunch，
順便去埋Terminal 21最底嗰層超市買下嘢食同手信！
晚上我們就搭BTS去鉄燒肉店食晚飯，
有和牛食，好好味，又好抵食的！
::::::::Day 4::::::::
最後嗰日就一早起身塔BTS去Siam站，
係Siam商場內既小小大世界Kidzania！
我知道其他國家也有，
但在泰國這個規模也算大，
小朋友到來進行一些角色扮演兼且知道賺錢艱難都是一件好事！
樂豬玩得好開心！
做消防員，醫生，獸醫，飛機師，
賺左錢仲覺得自己好叻叻！哈哈哈…
開放時間：weekdays:10am - 5pm
weekend and holiday: 10am - 3pm/4:00pm - 9:00pm
然後就搭去機場坐飛機返香港啦！
啲個旅程真係好開心！
而且行程也好啱我仔仔樂豬玩！
希望大家喜歡我今次分享啦！
還有喔，好多詳細資料係喺泰友營揾到！
大家如果要去泰國玩，
上去望望，分享得好詳細的！
---------------------------------------------------------------
文章標籤
全站熱搜
留言列表
