其實我由今個冬天就開始用護膚油,
從前我係好怕用油的產品,
因為我係好怕油膩感,同埋太油的話,
我就好容易長痘痘!
不過因為今個冬天實在太乾,
同埋我皮膚又較以前缺水,
直情有幾日,我係乾到個面好痕,
所以我就開始嘗試用護膚油!
我想推介三種油!
它們簡直係我今個冬天的好好幫手!
睇個瓶都知,三枝都用左一大截,
我先講我最鐘意的護膚油,
就係這枝NUXE全效晶亮精華油
佢個香味係超正,我勁鐘意!
全部也是用植物精萃製成!
直頭搽完佢,個身同噴左香水無分別!
本身佢係好多用途,可以用來塗頭髮、面同埋身體!
但我覺得用佢黎塗頭髮同面就稍為太油膩!
所以我係好推薦用佢黎塗身,因為手手腳腳既皮膚都係比較乾!
沖完涼即刻用佢,之後去訓覺都會好舒服!
好濃的花香味,仲可以舒緩緊張的心情!
第二枝就係我用來搽面的SKII護膚精華油
剛開始用時,我覺得佢係有少少油膩的,
後來我將份量減少一點就好好多,
因為有時太乾的天氣,真係用好潤既面霜都好似不太足夠!
那時我就會用佢!
佢特別之處就係SKII用佢經典既PITERA™成分及精華油
以黃金比例製成,咁所以用前要輕搖瓶身
然後我就會倒3-4滴塗均整個面同頸
記住份量要取自己膚質而定,
我用完後,第二朝起身我就覺得整個面都好有光澤,
同埋點解我咁鐘意佢,就係我用佢咁耐,
都未嘗試過因為咁,而生油脂粒同埋痘痘架!
而且又解決到我乾燥既問題!所以我覺得佢好正!
最後一枝就是這枝LUCIDO-L美髮油,
唔覺唔覺都用左三分二份量!
由於我每晚都習慣吹完頭先訓,所以頭髮都較為乾!
這枝美髮油放落手到,係會摸到有黏膩感覺,
但塗上髮尾再吹頭,係另一回事,完全係即時被頭髮吸收哂,
我再用手摸一摸,完全係沒有黏膩感
頭髮會馬上變得柔順,有彈性!
相比我平日就咁用風筒吹頭,效果也頗大差別!
連梳頭都易梳左!
---------------------------------------------------------------
文章標籤
全站熱搜
留言列表