我本身係一個奶茶迷,差不多每日都會飲一杯or兩杯,
加上牙質本身唔係咁好,所以牙齒好易變黃,
為左啲牙白啲,我家下已經盡量介左飲奶茶!
如果大家有睇過我之前既分享,
其實我係cool完牙一段時間,牙齒都算整齊,係好滿意,
但唔知有冇人好似我咁,總係覺得自己硬係有啲嘢係唔太好,
當我見到棚牙唔整齊,就想齊啲,
到整到齊左喇,又覺得啲牙不夠白,我都知我好煩!
所以我就揀左漂牙喇.
同埋我又問過我既醫生,
佢又好好,俾我拍片,咁我就可以同大家分享!
咁成個療程要見牙醫兩次,
第一次就係印牙模,
佢就係度身訂造一副透明膠牙套,
咁印既過程其實都好簡單,
放一舊藍色半固體係口到,去印上同下既牙齒,
大約10分鐘左右就得架喇!
而第二次待牙套做好後,
醫生就會連同一套漂白劑俾我帶回家,
咁啲個牙套係好軟身,
同埋係預闊少少,
咁就可以放啲漂白劑上去,
而個漂白劑濃度係有10%,20% 同埋 35%,
佢係不會破壞自己本身既牙質,
只係令到本身牙齒表面既顏色變白!
醫生叫我連續使用七天,
開頭佢叫我由10%濃度開始,同埋漂半小時,
慢慢適應到就可以用20%,
最後如果ok,就用35%,同埋時間都可以延長至一小時,
同埋醫生叫我係晚上漂,刷完牙就可以漂,
因為漂完牙八小時內最好唔食嘢!
將漂白劑枝少少係牙套到,
每隻牙既份量大約半粒米到咁就夠喇!
最後帶上去等1小時,
其實有人會問,有咩感覺,
其實冇感覺,係啲一小時,你係只需要帶住佢,
可以做自己嘢,完全唔駛理佢!
跟住一小時後除出來,唔駛用牙膏刷多一次牙,就咁用牙刷刷走啲漂牙劑,
再用清水漱乾淨就攪掂!
咁我用10同20%嗰時,都不覺得有好大變化,
我仲一直擔心,點解冇乜效果既,
咁直到我最後三日用35%,就即時睇到效果喇!
咁俾大家睇睇我第一次漂牙既相,
雖然唔係真係可以去到好白好白嗰種,但望落至少都有白左,
同埋去左啲漬冇咁肉酸!
希望大家喜歡我今次分享啦!
---------------------------------------------------------------
文章標籤
全站熱搜
留言列表