今日就由我媽咪示範整蕃薯糖水，
話說有一次我出街食完蕃薯糖水返來話好味後，
我媽咪就成日開始整俾我食喇！
睇下佢今日有買咁多返來！打算又係咁煮俾我！哈哈！
我媽仲話老薑蕃薯糖水可以袪風暖胃，就算成日食都冇所謂！
不過我好鐘意甜啲，佢就話唔好太甜，
所以佢多數都係多薑，少糖！因為咁樣，我仔仔都可以食，
小朋友食得甜多，都唔好喇！
(我知我仲有排學~ 係跟我媽學嘢！)
若果係冬天食，仲正！食完個人都冇咁凍咁！好喇！
先講下用乜材料：
蕃薯一個
生薑一大塊
些少冰糖
先放兩碗清水倒入鍋裏
將蕃薯去皮切厚厚的塊狀，倒入鍋裏，
然後又將生薑去皮再拍扁倒入鍋裏，
然後就開大火煮15分鐘，
最後就放些少冰糖煮至融化就可以食！
係米真係超級容易呢？
看看我樂豬食得幾開心！
仲攞埋我嗰份！
---------------------------------------------------------------
文章標籤
全站熱搜
留言列表
