真心要推介呢！
我一向也成日攪個面，
好少走去好用心去揾有乜好東東去護理頭髮，
不過看來真係需要啦！
因為我個頭成日夾又成日染
點會唔乾旱呢
最近我就收到The Body Shop幾枝洗髮產品，
覺得非常好用喔！
先講富士綠茶清爽潔淨頭皮磨砂霜
無矽配方，適合中性髮質及100％素食者適用，
結合日本綠茶、薄荷醇，
鹽晶和社群貿易蜂蜜，
使用時係於按摩頭皮時有助刺激血液循環，
涼涼地咁，又幾舒服！
啲粒子又不太粗，一路磨都覺得好舒服，
刺激血液循環，頭髮都生得快啲，
我自己用咗一個星期多，感覺好似頭髮都生多咗，
因為我成日有脫髮嘅問題，
我覺得自己嘅前額好禿，所以磨砂嘅位置都會喺前額做多少少，
又可以順便幫頭皮做返一個深層清潔！
我自己都有啲驚訝The Body Shop嘅洗頭水真係做得真係唔錯，
用完之後啲頭髮係順滑左好多，
跟住又減少咗好多毛燥！
而呢個生薑頭皮護理洗髮露同樣都好得我喜歡
因為有生薑，所以令人好精神，
生薑可以喚醒頭皮，有效清潔及滋潤頭皮，
仲可以幫助去除頭皮屑！
富士綠茶清爽補濕護髮素
無矽配方，適合中性髮質及100％素食者適用，
即係我媽媽都可以用，因為我媽媽係唔食肉，
結合日本綠茶、薄荷醇，鹽晶和社群貿易蜂蜜，
護髮素個感覺又唔會太油膩，
我覺得真係唔錯，我會再回購！
每一晚洗完頭之後用少少護髮素
按摩一下髮尾再過水，髮質就會好好多呢！
由厄瓜多爾嘅社群貿易成熟香蕉整成，
中至乾性髮質都啱用，香蕉滋養洗髮露
用完每條頭髮都充滿香噴噴香蕉香味！
深層滋養乾性及受損髮質，秀髮重現柔軟順滑質感
---------------------------------------------------------------
文章標籤
全站熱搜
留言列表
