今日我想分享點樣卸妝!
我成日聽啲朋友講,話啲眼妝好難落!
因為睫毛液好防水,要勁抹先得!
聽到"勁抹"啲兩個字,我就會好驚!
因為其實眼既肌膚係整塊面最薄!
若太大力,會令皮膚加快鬆弛,
咁好自然又多左啲眼紋!咁就煩喇!
倒不如花多少少時間,俾啲耐性!
睇下點落個眼妝係最唔會傷到眼肌膚!
首先我落眼同面既產品會有不同!
我會用專用卸眼既makeup remover倒落棉花同棉花棒!
然後就將棉花放係眼上,
放一會兒,再輕輕拉開!
咁其實都睇到啲眼影眼線已經被抹走七七八八!
然後再將棉花對摺!
放係下眼皮,然後合埋眼,
用棉花棒去刷走眼睫毛液,
記住力度要輕,否則就會令啲眼睫毛拔出來!
然後內眼線,輕輕take起眼皮,
可以用另一邊既棉花棒印走佢!
下眼線都係同樣方法!
咁就好容易落哂啲眼妝喇!
跟住到個面,我會睇情況而去揀用落妝啫喱或者落妝油!
如果嗰日我就咁用下防曬或者打底霜,
我就會用啲個落妝啫喱落妝!
但如果個妝係濃啲,full makeup.
我就用會選擇用落妝油,
揼兩下,係面到打圈打圈,跟住就用清水洗乾淨個面就攪掂!
不過我知道有啲朋友會話,
覺得用完油硬係覺得有啲油笠笠既感覺,
唔怕!可以用洗面產品洗一次!咁就唔怕笠啦!
我仲拍左段片,咁就更加容易明白!
希望大家鐘意我既分享!
---------------------------------------------------------------
文章標籤
全站熱搜
留言列表